8 "Б" сыныбында Microsoft Teams платформасында «Отбасы-бақыт мекені» атты тәрбие сағаты өтті.

11.09.2020 күні 8 "Б" сыныбында Microsoft Teams платформасында «Отбасы-бақыт мекені» атты тәрбие сағаты өтті. Бұл тәрбие сағатының мақсаты оқушылардың отбасы, жанұя туралы білімдерін кеңейту, отбасы құндылықтарының маңызын дәріптеу және оларды ұйымшылдыққа, жауапкершілікке, отбасы құндылықтарын сыйлауға тәрбиелеу.
Сабақта оқушылар әр түрлі тапсырмаларды орындады. «Ой-толғау» кезеңінде оқушылар отбасы, жанұя, отбасы иесі деген ұғымдарға анықтама беріп, өз ойларын ортаға салды. Одан кейінгі кезекте «Мақал – сөздің мәйегі» деп аталатын тапсырмада оқушылар отбасы, жанұя тақырыбына қатысты мақал-мәтелдерді аяқтады. Бұл тапсырманы олар ерекше қызығушылықпен жарыса орындады. Шығармашылық кезеңде «Отан отбасынан басталады», «Менің жанұям менің мақтанышым», «Біздің отбасы – шағын мемлекет» тақырыптарына шағын эссе жазып, қорғады.
Оқушылар және сынып жетекшісі балалардың жұмысын бағалап, кері байланыс жасап, тәрбие сағатын қорытындылады.
Сынып жетекшісі: Н. С. Нуркенова

Комментарии